Saltar al contenido

Eladino Cabalenas escribe:

Deixo as impresións de Eladino, que aparte de amigo, como veredes, tamén é quen foi o artífice da marabillosa edición que fixo. Iso só pode comprobarse se tendes o disco. A modo de prólogo, do que podedes atopar fala Eladino:

Xa o teño, xa o oín!
Vai para dar envexa e ansias de ter este formidábel traballo.
Envexa aos e ás mecenas de “Vivimos en Vigo”, si, eu xa o teño, mais algunha pequena prebenda debería ter colaborar nesta obra de arte co deseño, non é?
Agora en serio, xa llo dixen ao Anxo Blas, non chegar a gravar este disco podería ser considerado delito.
É unha marabilla!!!!!
Emocionante, por arriba e por abaixo, alegre, irónico, positivo e crítico a un tempo, e aínda por enriba marabillosamente interpretado por todos, e cando digo todos, digo todos, incluíndo o fermosísimo e ben acompasado coro no “Como me does”.
Parabéns, por suposto para o Anxo Blas, mais tamén para David OutomuroAnxo PintosSusanna BlancoAlexandre CabanelasLeo Arremecághona e o formidábel coro (que non vou desvelar quen son) do que xa falei.
Algunhas cousiñas, para o meu gusto, de destacar (por orde de aparición coma nas películas).
No “Tristemente” o violonchelo fai que esa letra tan especial colla unha forza e un sentimento brutal. Parabéns á intérprete, xenial. Encántame tamén como fica o “solo” de guitarra co chelo nun segundo plano, como quen non quere a cousa, mais a un tempo imprescindíbel.
De “A fala”, que vou dicir? É unha obra de arte e non o digo para dar lustre. Contar coa gravación orixinal da voz do Manuel María, a zanfona do Anxo Pintos que enche todo dun xeito asombroso, xunto á interpretación reivindicativa do Anxo… formidábel. Houbo un momento no que fun ao libriño para comprobar que na musica só estaban a zanfona e maila guitarra. Ten tanta intensidade a zanfona que semella que está a tocar unha orquestra medieval ao completo.
Tema 4, que dicir? É o meu tema favorito e o Leo deulle o seu toque persoal, xa o creo.
Imos ao “Como me does”, cousa seria! Comezando pola entrada co baixo, a perfecta unión do saxo e maila batería e, para rematar de emocionar o marabilloso coro. Para enfermar de gusto!
Do “Tecín soia” case non me atrevo a opinar, encántame a música que fai o pianiño, ben interpretado, voz tristeira e violonchelo, para acabar con calquera!
De “O amor son as maus” pouco que dicir, se o poema é bo, cantado gaña o dobre, por moito que a letra, as veces sexa “estrañenísima”, o Quico Valeiras e o Anxo ben me entenden. A música lémbrame, non sei moi ben polo que, aos 60 ou 70, incluíndo o “solo” de guitarra, e a batería, aquí, xenial, acompañando, imprescindíbel sen buscar o destaque.
“Ti eres máis” é un deses temas nos que a letra nos fai sentir a todos envexa, é o tema por antonomasia para dedicar á parella (lémbrame aquela radio de hai 30 ou 40 anos, se for hoxe, eu chamaría para dedicarlla a quen eu sei), fermosa e tremendamente romántica a música! Dan ganas de dicirlle a alguén, bailas?
“De cando en vez” é un tema que sempre me deixa descolocado, pola letra, claro está. Unha letra na que non sabes se realmente hai amor, medo ou desconfianza, ou todo xunto… xa mo explicarán, non si?
“Eu non sei”, quizais a música non é das que máis gosto, porén a letra é extraordinaria, de abraio! O das veas, para quitar o chapeu.
Do “Morro en ti”, coñecedes aquilo de “por un lado xa ve e, polo outro, que quere que lle diga?” Os versos escollidos, preciosos, abofé!
Remato como comecei. Isto é unha marabilla!!!!!
Grazas, Anxo!

Xa está aquí

Por fin xa está aquí. Despois de estar un verán agardando entre unhas cousas e outras, ter na man o disco é unha sensación … espiritual. A edición do libro feito por Eladino Cabanelas Edicións Ozocogz, foi espectacular. Estou encantadísimo co resultado. agora toca presentalo. Mirade na sección de Calendario porque xa hai datas pechadas.

cds e anxo

Gravando

Por fin podo dicir esta fermosa palabra: gravando. Despois dunha ansiosa espera deu comenzo a gravación. Todo vai sobre o previsto.

O Xoves 16 de agosto. Gravei a guitarra acústica e a voz para o tema A fala. Gravación feita por Anxo Pintos e tamén se encargará de tocar a zanfona.

O luns 20 David Outumuro gravou pola mañán as baterías e eu pola tarde fixen o mesmo gravando todos os temas co baixo.

Martes 21 gravei as guitarras acústicas e ukeleles.

Mércores 22.Pola mañán gravei as guitarras eléctricas e pola tarde Alexandre Cabalenas o saxo tenor e alto.

Vai todo moi adiantado. Só quedan as voces e algunha sorpresiña.

Estou moi contento co resultado. Inda non está misturado nin masterizado, pero xa soa de morte. Os músicos que me acompañaron na gravación fixeron un traballo espectacular.

Pronto estará nas vosas mans.

IMG_20180820_103929IMG_20180822_125701

Xa hai data de gravación.

Xa podo confirmar oficialmente a data de gravación do disco. Vai a ser o día 20 de agosto. Nesa semana agardo que a maioría dos temas poidan estar listos. Despois pasaremos a setembro coa masterización e finalmente tócalle a quenda a imprenta para que o producto poida estar listo para que estea nas vosas máns.

Tamén xa estou confirmando datas de presentación do disco. Será a xira “Vivimos en Vigo” e agardo poder estar no maior número de lugares posibles. Cando teña pechado xa aparecerá o cartaz.

Entrevista na Voz de Galicia

Entrevistáronme na Voz de Galicia na súa redación en Vigo. Aquí podedes ler a entrevista que estivo moi amena. O título resume moi ben a entrevista. ” A canción dos ourensán en Vigo”. E que emprego esta canción como reclamo ao que vai ser o meu primeiro disco.

Estamos xa ás portas de que de comenzo todo. Pronto máis novidades.

Voz de Galicia Anxo Blas. Entrevista

Aquí está o Videoclip

Comenzamos.

Xa está aberto o prazo para que poidades ser mecenas e que entre tod@s consigamos finalizar o proxecto. Temos por diante 40 días. Por iso tan importante como a vosa aportación é que o compartades c@s vos@s contactos e o proxecto poida chegar a xente que lle poida interesar.

PARA PARTICIPAR NO PROXECTO