Saltar al contenido.

Gravando

Por fin podo dicir esta fermosa palabra: gravando. Despois dunha ansiosa espera deu comenzo a gravación. Todo vai sobre o previsto.

O Xoves 16 de agosto. Gravei a guitarra acústica e a voz para o tema A fala. Gravación feita por Anxo Pintos e tamén se encargará de tocar a zanfona.

O luns 20 David Outumuro gravou pola mañán as baterías e eu pola tarde fixen o mesmo gravando todos os temas co baixo.

Martes 21 gravei as guitarras acústicas e ukeleles.

Mércores 22.Pola mañán gravei as guitarras eléctricas e pola tarde Alexandre Cabalenas o saxo tenor e alto.

Vai todo moi adiantado. Só quedan as voces e algunha sorpresiña.

Estou moi contento co resultado. Inda non está misturado nin masterizado, pero xa soa de morte. Os músicos que me acompañaron na gravación fixeron un traballo espectacular.

Pronto estará nas vosas mans.

IMG_20180820_103929IMG_20180822_125701

Xa hai data de gravación.

Xa podo confirmar oficialmente a data de gravación do disco. Vai a ser o día 20 de agosto. Nesa semana agardo que a maioría dos temas poidan estar listos. Despois pasaremos a setembro coa masterización e finalmente tócalle a quenda a imprenta para que o producto poida estar listo para que estea nas vosas máns.

Tamén xa estou confirmando datas de presentación do disco. Será a xira “Vivimos en Vigo” e agardo poder estar no maior número de lugares posibles. Cando teña pechado xa aparecerá o cartaz.

Entrevista na Voz de Galicia

Entrevistáronme na Voz de Galicia na súa redación en Vigo. Aquí podedes ler a entrevista que estivo moi amena. O título resume moi ben a entrevista. ” A canción dos ourensán en Vigo”. E que emprego esta canción como reclamo ao que vai ser o meu primeiro disco.

Estamos xa ás portas de que de comenzo todo. Pronto máis novidades.

Voz de Galicia Anxo Blas. Entrevista

Aquí está o Videoclip

Comenzamos.

Xa está aberto o prazo para que poidades ser mecenas e que entre tod@s consigamos finalizar o proxecto. Temos por diante 40 días. Por iso tan importante como a vosa aportación é que o compartades c@s vos@s contactos e o proxecto poida chegar a xente que lle poida interesar.

PARA PARTICIPAR NO PROXECTO

 

A punto de comenzar.

Xa hai data oficial. Pronto aparecerá o comenzo do Crowdfunding. Podes ver o anuncio e darlle a seguir para estar atento a todas as novidades.  Cando se abra o proxecto poderás velo en galego e castelán.

Crowdfunding de Anxo Blas

Novidades sobre a gravación.

Dentro dun mes máis ou menos, comenzarei co Crowdfunding. Xa hai moitas cousas que xa están pechadas para este disco. A selección de cancións, que ao final intentarei gravar o maior número posible, serán sobre doce temas. Tiven practicamente un ano para pensar e dicidir que cancións ían formar parte do disco. Necesariamente tiven que incluir as que viña tocando no directo, e que moitas estaban en youtube e xa comenzaban a estar na cabeza da xenta. Son temas que non se me perdoaría que non os gravase. Pero sempre inquieto como son, fun facendo máis temas, e atopeime co gran dilema de dicidir que cancións elixir e cal sería a orde axeitada. O bo de todo isto é que me fixen cun feixiño de temas para gravar un segundo disco cando sexa o seu momento. De todos os xeitos, agardo soprender no disco, porque ademais dos temas que toco no directo hai sorpresas e algún tema inédito asi como colaboracións de luxo. Seguirei informando…